Stepnogor JEO-synda bir qazandyq qatyp qalyp, stantsııa isten shyqty

ASTANA. QazAqparat – Keshegi boranda Stepnogor qalasyndaǵy jylý elektr ortalyǵyn energııamen qamtamasyz etetin stantsııa isten shyǵyp, bir qazandyq qatyp qaldy. Bul týraly QazAqpaart tilshisi Aqmola oblysy ákimdiginiń saıtyna silteme jasap habarlaıdy.

Ákimdikten málimdegendeı, 14-15 sáýir aralǵynda Stepnogor qalasyndaǵy jylý jelilerinde temperatýra tómengen.

«14-15 sáýir aralyǵynda qalanyń jylýmen jabdyqtaý júıesinde temperatýranyń tómendeýi baıqaldy. Buǵan aýa raıynyń kúrt ózgerýi sebep boldy. Atap aıtqanda, sekýndyna 35 metrge deıin qatty jel, -10 gradýsqa deıin aıaz jáne kóp kólemde qar jaýdy. Sonyń saldarynan «KEGOC» AQ jelilerinen aqaý anyqtalyp, Stepnogor JEO-syn energııamen qamtamasyz etetin «Stepnaıa» qosalqy stantsııasy isten shyqty. Munyń bári jylý ortalyǵynyń toqtaýyna ákep soqty. Keshe biz №3 energetıkalyq qazandyqty iske qostyq. Degenmen, ol búgin saǵat 4:28-de toqtap qaldy. Keıin 7:30-da úshinshi qazandyqty qaıta iske qostyq. Eń qıyny artta qaldy. Qazir sý jylytý qazandyǵy jáne úshinshi qazandyq jumys ister tur. Ekinshi qazandyqty eritip jatyrmyz. Aldaǵy táýlik ishinde qajetti temperatýralyq rejımge jetkizemiz», - dep málim etti Aqmola oblysynyń ákimi Ermek Marjyqpaev.

Al, Stepnogor shaharynyń basshysy Alpysbaı Qaıyrjanovtyń aıtýynsha, keshe qaladaǵy 50 kópqabatty turǵyn úı jylý jelisindegi sýlar aǵyzyldy.