Stepnogor jastary eńbek ardagerlerimen kezdesti

KÓKShETAÝ. QazAqparat - El Táýelsizdiginiń 30 jyldyǵyn merekeleý aıasynda Stepnogor qalalyq jastar resýrstyq ortalyǵy «Jana urpaq STEP» qoǵamdyq birlestigimen birlesip, Eńbek kúnine oraı eńbek ardagerlerimen «Eńbek adamy» taqyrybynda urpaqtar kezdesýin ótkizdi, dep habarlaıdy QazAqparat tilshisi.

Stepnogor qalalyq jastar resýrstyq ortalyǵynyń málimetinshe, is-sharanyń maqsaty - aǵa urpaq ókilderin qurmetteý, jastardyń nazaryn olardyń máselesin sheshýge aýdarý, elimizdiń, týǵan ólkeniń tarıhı ótkenine qyzyǵýshylyqty arttyrý, joǵary rýhanı-adamgershilik qaǵıdattarǵa, azamattyq jaýapkershilikke, óz Otanyna degen súıispenshilik pen adaldyqqa tárbıeleý.

«Qart adamdarǵa jastar tarapynan qurmet kórsetilýi tıis. Olarǵa jastardyń kóńil bólgeni mańyzdy. Qazirgi tańda jas urpaq pen qarttardyń arasyndaǵy qarym-qatynasqa onsha kóńil bólinbeı keledi. Jastarǵa rýhanı-adamgershilik jáne azamattyq-patrıottyq tárbıe berýde qarttarymyzdyń aqyl-keńesi jetispeıdi. Qarttar men múgedekterge qurmetpen qaraý, olarǵa qoldaý kórsetý - óskeleń urpaqtyń paryzy. Otanymyz, ólkemiz, qalamyz, aýdanymyz jáne búgingi jastar bizderdiń baqytty ómir súrýimiz úshin mańdaı terin tókken aǵa urpaqtyń eńbegin umytýǵa esh quqymyz joq. Biz olardy jáne olardyń eńbegin bilýge jáne este saqtaýǵa mindettimiz», - dep atap ótti Stepnogor qalalyq jastar resýrstyq ortalyǵynyń dırektory Nurbaný Qalhamanova.

Іs-shara aıasynda ardagerlerge dastarhan jaıyldy.

Jyly shyraıly ótken kezdesýde jastar ardagerlerge ózderin tolǵandyrǵan saýaldaryn qoıyp, tushymdy jaýaptar aldy.

Jastar án aıtyp, óleń oqyp, bı bıledi.

Іs-shara sońynda barlyǵy «Eńbek adamy» eńbek kúnin merekeleý sheńberinde ardagerlerge estelik syılyqtar úlestirildi.