Stepnogor turǵynynan 200 myń teńge aqsha bopsalaǵan kúdikti ustaldy
KÓKShETAÝ, QazAqparat – Stepnogor qalasynyń turǵynynan 200 myń teńge aqsha bopsalaǵan kúdikti ustaldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, ústimizdegi jyldyń 29-ynshy qazanynda Stepnogor qalalyq PB kezekshilik bólimine 29 jastaǵy jergilikti turǵyn habarlasyp, beıtanys adamnyń 200 myń teńge aqsha bopsalaǵanyn aıtqan.
«Osyǵan baılanysty QR QK 194 babynyń 2 bóligi «bopsalaý» boıynsha Sotqa deıingi tergeý amaldary qolǵa alyndy. Zardap shegýshi óziniń ómiri men densaýlyǵy úshin kúdiktiń zańsyz talabyn kelisken. Alaıda, ol qajetti aqsha bolmaǵan soń polıtsııadan kómek surady», - deıdi vedomstvodan.
Vedomstvonyń baspasóz qyzmeti atap ótkendeı, ústimizdegi jyldyń 1-shi qarashasynda jedel - aldyn alý sharasy barysynda Stepnogor qalasynyń 31jastaǵy turǵyny ustaldy.
«Kúdikti buryn «DZEDO» sport túrimen aınalysqan. Er adam óziniń kinásin moıyndady. Tergeý amaldary jalǵasýda», - dep tolyqtyrdy vedomstvodan.
