Stepnogor turǵynynan 12 kg qarasora tárkilendi

KÓKShETAÝ. QazAqparat – «Qarasora-2022» aldyn alý operatsııasy aıasynda Stepnogor qalasynda quramynda esirtki bar ósimdikterdi zańsyz ósirý deregi anyqtaldy, dep habarlaıdy QazAqparat tilshisi.

«Polıtsııa qyzmetkerleri 36 jastaǵy jergilikti turǵynǵa tıesili jeke ýchaskede 173 qarasora butasy tabyldy. Sondaı-aq, ósimdikti sýarý shlangtary alyndy. Sarapshynyń qorytyndysyna sáıkes, tárkilengen qarasoranyń salmaǵy 12 kg - dan asty», - dedi Aqmola oblystyq Polıtsııa departamentiniń baspasóz qyzmetinen.

Er adamǵa qatysty Qylmystyq kodekstiń 300-baby «Quramynda esirtki zattary bar, ósirýge tyıym salynǵan ósimdikterdi zańsyz ósirý» boıynsha qylmystyq is qozǵaldy.

Er adamnyń sózinshe, ol qarasora ósimdikterin jeke tutyný maqsatynda ósirgen. Qoldanystaǵy zańnamaǵa sáıkes mundaı áreket úshin eki jylǵa deıin bas bostandyǵynan aıyrý jazasy qarastyrylǵan.

«Jyl basynan beri quramynda esirtki zattary bar ósimdikterdi ósirýdiń tórt deregi anyqtaldy», dep tolyqtyrdy vedomstvodan.

Aıta ketsek, budan buryn Kókshetaýda «Qnet» qarjy pıramıdasynyń basshylary 2 aıǵa qamalǵanyn jazǵan edik.