Stepnogor turǵyny oıynshyq tapanshamen dúken tonady
KÓKShETAÝ. QazAqparat- Stepnogorde betin tumshalap, oıynshyq tapanshamen dúken tonaǵan jergilikti turǵyn ustaldy, dep habarlaıdy QazAqparat tilshisi.
Áleýmettik jelide Stepnogor qalasyndaǵy dúkendi tonap jatqan vıdeo tarady. Onda betin tumshalaǵan jəne qolyna tapansha ustaǵan er adam dúkenshini qorqytyp, túsken tabysyn túgel úptep ketkeni kórsetilgen.
Aqmola oblysynyń polıtsııa departamenti baspasóz qyzmetiniń deregi boıynsha, Stepnogordegi dúkenderdiń biriniń satýshy qarashanyń 10 kúni kezekshilik bólimine aryz túsirgen. Áıeldiń sózinshe, beıtanys er adam kassadaǵy 80 myń teńgeni úptep ketken.
«Oqıǵa ornyna dereý jedel tergeý toby jetip, zardap shegýshi men dúkendegi beınebaqylaý kamerasyn tekserdi. Keshendi jedel izdestirý sharasy barysynda 21 jastaǵy kúdikti ustaldy. Keıin belgili bolǵandaı kúdikti jergilikti turǵyn bolyp shyqty. Odan zattaı aıǵaqtar alyndy», - dedi polıtseıler.
Qazirgi kezde osy oqıǵaǵa baılanysty QR QK 191-babynyń 2-bóligi boıynsha is qozǵalyp, sottaldy tergeý amaldary júrgizilýde.
Kúdiktiniń osyǵan uqsas ózge de qylmystarǵa qatysy bar-joǵy anyqtalýda. Belgili bolǵandaı, jas jigit osyndaı qylmystary úshin buryn sottalǵan jəne qolyndaǵy tapanshasy oıynshyq bolyp shyqty.
