Stepnogor turǵyny azamattyq nekedegi áıeliniń atynan nesıe alyp, qashyp ketti
KÓKShETAÝ. QazAqparat-Azamattyq nekedegi áıeliniń atynan nesıe alyp, qashyp ketken Aqmola oblysy Stepnogor qalasy turǵynynyń ústinen qylmystyq is qozǵaldy, dep habarlaıdy QazAqparat tilshisi.
ІІD baspasóz qyzmetiniń málimeti boıynsha, aǵymdaǵy jyldyń 18 qańtarynda Stepnogor qalalyq ІІB kezekshilik bólimine jergilikti turǵyn aryz túsirdi. Zardap shegýshi áıeldiń sózine qaraǵanda, ótken jyldyń qazan aıynda belgisiz bireýler onyń atyna 150 myń teńge kóleminde nesıe rásimdegen. Kelinshek óz atyna nesıe rásimdelgenin bilgen kezde, negizgi qaryzynan bólek aıyp tóleý ósimi 280 myń teńgege jetken bolyp shyqty.
Qazirgi kezde, kelinshektiń moınynda shaǵyn nesıeleý uıymyna 358 000 teńge kóleminde qaryzy bar.
Keıin anyqtalǵandaı, kelinshektiń atyna nesıeni alaıaqtyq jasaǵany úshin buryn isti bolǵan onyń azamattyq nekedegi kúıeýi rásimdegen.
Alǵashynda kelinshek ınternet arqyly onlaın nesıe alyp, ony ýaqytyly ótegen. Al, kúdikti bolsa, osyny paıdalana otyryp, kelinshektiń qujattaryndaǵy rekvızıtterdi jáne bank kártishkesiniń nómiri arqyly onlaın nesıe rásimdegen. Óziniń atynda nesıe baryn zardap shegýshi jaqynda ǵana bilgen. Al,oǵan deıin kúdikti izin sýytyp úlgergen.
Qazirgi kezde, osy oqıǵaǵa baılanysty QR QK 191 babynyń 1 bóligi boıynsha sotaldy tergeý amaldary júrgizilýde. Eger 30 jastaǵy kúdiktiń qylmysy dáleldense, onda oǵan 2,4 mıllıon teńge kóleminde aıyppul salý nemese 2 jylǵa deıin bas bostandyǵynan aıyryrý jazasy taǵaıyndalýy múmkin.
