Stepnogor əkimi syrttan shaqyrylǵan jattyqtyrýshylarǵa páter bólýge nıet tanytty
KÓKShETAÝ. QazAqparat - Stepnogor qalasynyń ákimi Ánýar Kúmpekbaev kezekti apparat keńesinde shahar turǵyndarynyń salaýatty ómir saltyn ustanýyna kóńil bólip, dene shynyqtyrý jáne sport máselelerine nazar aýdardy, dep habarlaıdy "QazAqparat" HAA tilshisi qala əkiminiń baspasóz qyzmetine silteme jasap.
Dene shynyqtyrý jáne sport bóliminiń basshysy Almat Toqmaǵambetovtiń málimetterine súıenetin bolsaq, aımaqta 20 myńnan astam adam sportpen shuǵyldanady. Ótken jyly 213 sporttyq-kópshilik is-sharalar uıymdastyrylyp, oǵan 19918 adam qatysqan.
Ótken jyly qalada jas erekshelikterine qaraı fýtbol lıgalary men fýtbol, ulttyq sport túrleri men shahmattan úsh federatsııa qurylǵan bolatyn. Sondaı-aq, memlekettik-jekemenshik seriktestik aıasynda salynyp jatqan sport keshenderiniń eki alańy qoldanysqa berildi. Jalpy bul sport kesheninde basketbol, voleıbol, fýtbol alańdary bolady dep josparlanǵan jáne ol qazirgi zamanǵa saı kóshe boıyndaǵy trenajer alańdarymen birge qalanyń ormandy aımaǵynda salynýda. 
Stepnogor aýmaǵynda dopty hokkeı damymaǵan. Munda balalar men jasóspirimderdi hokkeıge baýlıtyn jattyqtyrýshy joq. Osy oraıda, qala ákimi tıisti oryndarǵa «Batyr» balalar men jasóspirimderdiń sport kesheninde hokkeıdi damytý jáne oǵan qajetti kıim-keshek, qural-jabdyqtardy alyp berý jumystaryn qolǵa alýdy tapsyrdy. Sondaı-aq, ol basqa aımaqtardan jattyqtyrýshy shaqyrtý úshin páter bólý máselesin de qarastyrý qajettigine nazar aýdardy. 
Qalada sonymen birge, short-trek, prezıdenttik kópsaıystar boıynsha sporttyq jabdyqtar da joq kórinedi. Qala basshysy bul rette, oblystyq saıystarda qala namysyn qorǵaıtyn kópsaıysshylar men múmkindigi shekteýli sportshylarǵa vıntovka, nysanaǵa kózdep atatyn oq atý quraldaryn alyp berýdi tapsyrdy. 
