Stepnogor qalasynda kóp fýnktsıonaldy sport alańy paıdalanýǵa berildi
KÓKShETAÝ. QazAqparat -Təýelsizdiktiń 25 jyldyǵyn merekeleý aıasynda Stepnogor qalasynda kóp fýnktsıonaldy sport alańy paıdalanýǵa berildi, dep habarlaıdy «QazAqparat» HAA tilshisi qala əkiminiń baspasóz qyzmetine silteme jasap.
Joba ótken jylǵy Jańa jyl keshinen túsken qaıyrymdylyq qarajat esebinen qolǵa alyndy. Əsirese, jobany tolyq júzege asyrýǵa kəsipker Aleksandr Geraýfýdyń atsalysqanyn atap ótken jón. Ol ózi basshylyq jasaıtyn qurylys kompanııasy qurylys jumystaryn qolǵa alǵan.
Qazirgi kezde, nysanda standartqa saı, fýtbol, hokkeı, basketbol jəne voleıbol alańdary men muz aıdyny jumys isteıdi.
Sý jańa sport alańynyń ashylýy saltanatyna qala ákimi Ənýar Kúmpekeev, kəsipker Aleksandr Geraýfý, «Stepnogor-EPK» AQ bas dırektory Anatolıı Tomılov, «Avgýst Nan» JShS dırektory Murat Sərsembaev jəne qala turǵyndary qatysty.
Óz kezeginde qala basshysy stepnogorlikterdiń buqaralyq sportpen shuǵyldanýyna qol ushyn sozǵan azamattarǵa alǵysyn bildire kele, jınalǵandardy osy ıgi iske arqaý bolǵan el təýelsizdiginiń 25 jyldyǵymen quttyqtady.
Sondaı-aq, shara barysynda bıatlonnan Aqmola oblysy kýboginiń jeńimpazdary men júldegerleri marapattaldy. Oǵan qosa, qala əkimi búginderi buqaralyq sıpat alǵan Street Workout alańyn aldaǵy ýaqytta ashý josparda bar ekenin atap ótti.
Alǵashqy oıyn retinde muz aıdynynda hokkeıden Stepnogor jəne Bestóbe komandalary arasynda joldastyq kezdesý ótti.
