Stepnogor qalasy əkimi apparatynyń basshysyn uryp ketti

Oblystyq ІІD baspasóz qyzmetiniń málimeti boıynsha, keleńsiz oqıǵa 9 qyrkúıek kúni bolǵan. Bul týraly Stepnogor qalalyq ІІB kezekshilik bólimine habar saǵat 07:45-te túsken.

«Zardap shekken er adam 1986 jyly týǵan. Ashyq bas súıek mı jaraqatyn alǵan. Qazirgi kezde, er adam aýrýhanada es-tússiz jatyr» dep túsindirdi baspasóz qyzmetindegiler.

Beıresmı derekterge qaraǵanda, zardap shekken azamat Stepnogor qalasy əkiminiń apparat jetekshisi Vladımır Bessýdnyı. Ony əleýmettik jelide taraǵan beıne jazbadan baıqaýǵa bolady. Onda túnniń bir ýaǵynda jaıaý kele jatqan zardap shegýshiniń sońyna betin tumshalaǵan belgisiz er adam túskeni kórsetilgen.

«Qazirgi kezde, kúdikti anyqtalyp, ony ustaý boıynsha keshendi sharalar qolǵa alynýda. Sonymen qatar, zardap shegýshiniń jeke zattary urlanǵany belgili bolyp otyr», dep tolyqtyrdy baspasóz qyzmetinen.

Osyǵan oqıǵa baılanysty QR QK 192 babynyń 2 bólimi (qaraqshylyq) boıynsha qylmystyq qozǵaldy.