Stepanakertte jarylys bolyp, 200-den astam adam zardap shekti
25 qyrkúıekte Qarabaqtaǵy Hankendı qalasynyń mańyndaǵy janarmaı quıý beketinde jarylys boldy. Bul týraly Ázerbaıjan Respýblıkasy prezıdenti ákimshiliginen habarlady, dep jazady QazAqparat ÁZERTADJ aqparat agenttigine silteme jasap.
Málimetke sáıkes, oqıǵa saldarynan qaza tapqandar men zardap shekkender kóp.
Osyǵan baılanysty zardap shekkenderge kómek kórsetý maqsatynda 200 adamdy emdeýge arnalǵan kúıikke qarsy medıtsınalyq quraldar, tańǵyshtar, qolǵaptar, dári-dármekter (spreı, jaqpamaı, aýyrsynýdy basatyn dáriler, antıbıotıkter jáne t.b.) bar jedel járdem kóligi alǵashynda Aǵdam-Askeran-Hankendı joly boıyna jóneltildi.
DW taratqan aqparatqa sáıkes, Stepanakert-Askeran tasjolyndaǵy gaz qoımasynda bolǵan jarylystan qaza tapqandardyń naqty sany anyqtalý ústinde. Zardap shekkender Armenııaǵa jóneltilip jatyr.
Armenııanyń 24news ınternet-basylymy eldiń densaýlyq saqtaý mınıstrligine silteme jasap jazǵandaı, qutqarýshylar zardap shekkenderdi áýe jáne qurlyq arqyly aýrýhanalarǵa jetkizýdi uıymdastyryp jatyr. Zardap shekkenderdi Armenııaǵa jóneltý úshin tikushaqtar tartyldy.
