«Stenlı» kýbogyna - 120 jyl

Bul ujymnyń oıynshylary tuńǵysh ret 1893 jyly jeńimpaz atanǵan bolatyn. Odan beri bul Kýbok talaı klýbqa buıyryp, talaı oıynshynyń qolynan tabyldy, dep jazady «Alash aınasy» basylymy.

Tarıhy tereńde jatqan «Stenlı» kýbogynyń jeńip alǵan hokkeıshiler esimi 90 santımetrlik júldege oıyp jazylady. Árıne, bir komandada 20-dan asyp jyǵylatyn hokkeıshiler bar. Sondyqtan bos oryn qalmaǵan Kýbokty 1991 jyly qurmet zalyna ornalastyryp, jańasyn jasap shyǵarýǵa týra keldi. Kúmisten quıylǵan Kýbok kóshirmesin chempıon komanda oıyn­shy­larynyń óz úılerine alyp ketetini ras. Dál osy kezeńderde «Stenlı» kýbogynyń aına­lasynda biraz keleńsizdikter oryn alady. Mysaly, Klark Gıllıs 1892 jyly kýbokty ıtaıaqqa aınaldyryp, tórt aıaqty dosymen qýanyshyn bólisti. 2000 jyly «Nıý Djersı Devılz» klýbynyń qaqpashysy Martın Brodo «Stenlı» kýbogyn popkornǵa toltyryp, kınoteatrǵa da alyp bardy. Kýboktyń úsh márte sýǵa batyp kete jazdaǵany da bar. Al 1920 jylǵy jeńimpaz komanda «Ottava Senatorz» oıynshylary arasynda kelispeýshilik oryn alyp, kýbok aryqta «túnep shyqqan». Biraq túrli oqıǵany bastan keshken «Stenlı» kýbogyn utyp alý talaı hokkeıshiniń armany ǵana bolyp qalǵany da shyn. Eń bastysy, bul kýbokty jeńip alǵan komandanyń árbir oıynshysy ony bir táýlik (24 saǵat) óz erkimen ustaı alady.

Búginde Kanadanyń Toronto qalasyndaǵy Hokkeı qurmetine arnalǵan zalda «Stenlı» kýbogynyń túpnusqasy saqtaýly tur. Aıtpaqshy, Qurlyqtyq hokkeı lıgasynyń bas júldesi «Gagarın» kýbogy da jeńimpaz oıynshymen bir kún «qydyrady.