Stendtik atýdan Azııa Kýboginde qazaqstandyq mergender 5 medal aldy
ASTANA. QazAqparat – Kýveıtte ótip jatqan stendtik atýdan Azııa Kýboginde qazaqstandyq sportshylar 5 medal jeńip aldy. Bul týraly Mádenıet jáne sport mınıstri Ashat Oralov áleýmettik jelidegi paraqshasynda jazdy, dep habarlaıdy QazAqparat.
«Qýanyshty jańalyq! Qazaqstandyq mergender kezekti ret eń bedeldi halyqaralyq jarysta elimizdiń namysyn abyroımen qorǵap, laıyqty óner kórsetti. Kýveıtte ótip jatqan stendtik atýdan Azııa Kýboginde bizdiń sportshylar 5 medal jeńip aldy: 2 «altyn», 1 «kúmis» jáne 2 «qola». Barlyq júldeni «skıt» jattyǵýynda – dóńgelek stendte atýdan jeńip aldy.
Shymkent qalasynyń mergeni Olga Panarına jekeleı jáne Ásem Orynbaı, Zoıa Kravchenko syndy sportshylardan jasaqtalǵan qurama komandalyq jarysta altyn aldy.
Edýard Eşenko, ıÝnýs Machjon jáne Artem Sedelnıkov bastaǵan erler quramasy kúmis júldege ıe boldy. Bul joly Ásem Orynbaı men Edýard Eşenko qola júldege qol jetkizdi.
Qazaqstan sportshylarynyń sońǵy jetistikteri (mysaly, Álem Kýboginiń jalpy medaldyq esebinde birinshi oryn) kezdeısoqtyq emes ekenin taǵy da kórsetedi. Bul – Parıj Olımpıadasy qarsańyndaǵy sózsiz zor qýanysh.
Ótip jatqan týrnır barysynda bizdiń mergender jeńis tuǵyryna taǵy birneshe ret kóteriletinine senimdimin!» - dep jazǵan mınıstr sportshylarymyzǵa sáttilik tilep, barlyq qazaqstandyq jankúıerlerdi Azııa Kýboginiń sátti bastalýymen quttyqtaǵan.
