Stendtik atýdan «Altyn qyrǵaýyl» saıysynyń qatysýshylary «Kompakt-sportıng» tártibi boıynsha tartysqa tústi
ASTANA. 18 qarasha. QazAqparat - Stendtik atýdan «Altyn qyrǵaýyl» atty jarys jalǵasýda. 17 qarashada bul saıystar «transheıalyq stend» jáne «sheńber stendi» tártipteri boıynsha erlerdiń barlyq sanaty arasynda ótkizildi.
Kúnniń birinshi jartysynda sportshylar «trap» tártibi boıynsha tartysqa tústi. Týrnırdiń keshegi kóshbasshysy Maksım Kolomoets shymkenttik básekelesi Vıktor Hasıanovke ese jiberip aldy.
Fınaldan keıin úshinshi oryn úshin birdeı upaı jınaǵan qyzylordalyq Valerıı Dıachenko men shymkenttik Andreı Mogılevskıı arasynda uzaq tartysty saıys boldy. Nátıjesinde A. Mogılevskıı jeńiske jetti.
Jasóspirimder arasyndaǵy barlyq júldeli oryndardy almatylyq sportshylar utyp aldy. Birinshi oryndy Ashat Jashybaı, ekinshini Rýslan Berdov, al úshinshi orynǵa Ertýar Qajyǵalıev turaqtady, dep habarlaıdy QR Stendtik jáne tájirıbelik atý federatsııasynyń baspasóz qyzmeti.
Kúnniń ekinshi jartysynda «sheńber stendtiń» jeńimpazdary belgili boldy. Birinshi orynǵa pavlodardyq Vıtalıı Kýlıkov qol sozsa, ekinshi oryndy almatylyq Aleksandr Eşenko, al úshinshi oryndy Vladıslav Mýhamedıev qanaǵat tutty.
Búgin jarystar «Kompakt-sportıng» tártibi boıynsha ótip jatyr. Bunyń erejeleri ańshylyq kezindegi atý tásilderine uqsas.
Esterińizge sala keteıik, 13-19 qarasha aralyǵynda stendtik atýdan «Altyn qyrǵaýyl» atty halyqaralyq týrnır ótýde.
Jarystar Almaty oblysy Іle aýdany Baıserke kentindegi A. Asanov atyndaǵy atqyshtar klýbynyń aýmaǵynda uıymdastyryldy.
