Stend atýdan otandastarymyz álem kýbogynda «trap» saıysynda synǵa túsip jatyr
ASTANA. KAZINFORM – Almaty oblysynda ótip jatqan stend atýdan álem kýbogy kezeńinde erler men áıelder arasyndaǵy «trap» dıstsıplınasy boıynsha irikteý kezeńiniń alǵashqy kúni aıaqtaldy, dep habarlaıdy Týrızm jáne sport mınıstrligi Sportty damytý dırektsııasy baspasóz qyzmeti.
Búgin ár sportshy 75 nysanaǵa oq atty. Erteń olar qalǵan 50 nysanany kózdeýi tıis. Osydan keıin atalǵan dıstsıplına boıynsha fınalıster anyqtalady.
Qazaqstan quramasy sapynda «trap» boıynsha myna sportshylar óner kórsetip jatyr:
Vıktor Hasıanov, Álisher Aısalbaev, Maksım Bedarev, Mark Pochıvalov, Nıkıta Moıseev, Marııa Gorýn, Leıla Shantekova, Nargıza Sharmanova, Eleonora Ibragımova.
Aıta keteıik, Astanada dzıýdodan Qazaqstan Barysy Grand Slam 2026 bastaldy.
Qazaqstan quramasy Qazaqstan Barysy Grand Slam básekesin eki júldemen bastady.
Talǵat Orynbasar ekinshi jyl qatarynan jarystyń kúmis júldesin aldy.
Sherzod Davlatov Astanadaǵy Grand Slam týrnıriniń qola júldesin ıelendi.
