Stend atýdan Qazaqstan komandasy álem kýboginde eki medal jeńip aldy
NUR-SULTAN. QazAqparat – Stend atýdan Úndistannyń Nıý-Delı qalasynda ótip jatqan álem kýbogi kezeńinde qazaqstandyqtar taǵy eki júlde jeńip aldy. Bul joly komanda músheleri «Trap» jattyǵýynan úzdik úshtikke endi, dep habarlaıdy Olympic.kz.
Áıelder arasyndaǵy komandalyq synda Marııa Dmıtrıenko, Sársenkúl Rysbekova jáne Aıjan Dosmaǵambetova úshtigi kúmis júldeger atandy. Olar fınalda Úndistan komandasyna ese jiberdi.
Erler arasyndaǵy komandalyq básekede Vıktor Hasıanov, Andreı Mogılevskıı jáne Maksım Kolomoets qola júldege qol jetkizdi. Olar úshinshi oryn úshin talasta Katar quramasynan basym túsken.
Altyn medaldi Úndistan, kúmisti Slovakııa komandasy enshiledi.
Aıta ketelik, buǵan deıin stend atýdan Qazaqstan komandasy «Skeet» jattyǵýynan tórt medal jeńip alǵan bolatyn.
