Stend atýdan Azııa kýbogynda qazaqstandyqtar taǵy da tuǵyr bıiginen kórindi

ASTANA. KAZINFORM - Almaty oblysynda ótip jatqan stend atýdan Azııa kýbogynda Qazaqstan qorjyny taǵy birneshe medalmen tolyqty, dep habarlaıdy Olympic.kz. 

Erler arasyndaǵy «dýbl-trap» baǵdarlamasynda Qazaqstan quramasy kúmis medal jeńip aldy. Bul básekede el namysyn Álisher Aısalbaev, Vladlen Kalımýlın jáne Nıkıta Chıkýlaev qorǵady.

Vladlen Kalımýlın «dýbl-trap» boıynsha jekeleı synda qola medal ıelendi. Sondaı-aq «trap» sanatyndaǵy jasóspirimder arasyndaǵy komandalyq synda Qazaqstan quramasy altyn medalǵa qol jetkizdi.

«Trap» jattyǵýy boıynsha áıelder arasyndaǵy komandalyq synda Aıjan Dosmaǵambetova, Anastasııa Prılepına jáne Karına Pochıvalovadan quralǵan Qazaqstan komandasy qola medal enshiledi.

«Trap» jattyǵýynan erler arasyndaǵy komandalyq synda Qazaqstan quramasy (Álisher Aısalbaev, Mark Pochıvalov, Vıktor Hasıanov) kúmis medal ıelendi.