Stend atýdan álem kýbogy: Maksım Kolomoets alǵashqy altylyqqa endi
NUR-SULTAN. QazAqparat - Birikken Arab Ámirlikteriniń Ál-Aın qalasynda stend atýdan lıtsenzııalyq álem kýbogy ótýde, dep habarlaıdy QazAqparat Olympic.kz-ke silteme jasap.
Qazaqstan komandasynyń múshesi Maksım Kolomoets transheıalyq stend baǵdarlamasy boıynsha alǵashqy altylyq qatarynan kórindi.
Erler arasyndaǵy synda 123 upaı jınaǵan Kolomoets jalpy esepte altynshy orynǵa taban tiredi. Bul Maksımniń maýsymdaǵy úzdik kórsetkishteriniń biri. Rýslan Berdov 60-shy, Andreı Mogılevskıı 110-shy orynda.
Áıelder arasyndaǵy eń joǵary kórsetkish Sársenkúl Rysbekovaǵa tıesili. Ol 116 upaımen 19-shy orynǵa turaqtady.
Marııa Dmıtrıenko 22-shi, Anastasııa Davydova 35-shi satyda.
