Stend atý: Qazaqstandyq sportshylar Olımpıada joldamasyna talasady

NUR-SULTAN. QazAqparat - 4-13 naýryz aralyǵynda Kıprdiń Nıkosııa qalasynda stend atýdan ótetin lıtsenzııalyq álem kýbogi kezeńine qatysatyn Qazaqstan quramasy belgili boldy, dep habarlaıdy QazAqparat.

QR Ulttyq olımpıadalyq komıteti habarlaǵandaı, atalǵan álem kýbogi kezeńinde Tokıo oıyndaryna joldama sarapqa salynady.

Atalǵan álem kýbogi kezeńinde lıtsenzııa ıegerleri reıtıng arqyly anyqtalady.

Buǵan deıingi týrnırlerde birinshi jáne ekinshi oryn alǵan sportshylar tikeleı olımpıadaǵa joldama alǵan bolatyn.

Kıprdegi álemdik Qazaqstan sapynan myna mergender qatysady:

Trap, erler:

Aleksandr Fedorov, Vıktor Hasıanov, Andreı Mogılevskıı

Trap, áıelder:

Sársenkúl Rysbekova, Anastasııa Davydova, Marııa Dmıtrıenko

Skıt, áıelder:

Anastasııa Molchanova, Zoıa Kravchenko, Ásem Orynbaı, Olga Panarına

Skıt, erler:

Aleksandr Eşenko, Davıd Pochıvalov, Edýard Eşenko, Vladıslav Mýhamedıev.