Stend atý: qazaqstandyq mergender Olımpıada joldamasyn sarapqa salady
Stend atýdan Qazaqstan quramasy Parıj Olımpıadasyna joldama alý úshin birneshe halyqaralyq jarystarǵa qatysady, dep habarlaıdy Kazinform.
Búginde el quramasy Katar astanasy Doha qalasynda oqý-jattyǵý jıynyn ótkizip jatyr. Odan keıin qazaqstandyq 12 mergen Kýveıtte ótetin lıtsenzııalyq Azııa chempıonatynda baq synaıdy. Qurlyqtyq doda «skıt» jáne «trap» baǵdarlamasy boıynsha ótedi. Qurlyqtyq doda aıaqtalǵannan keıin reıtıngilik álem kýbogi kezeńderi jalǵasady. Mundaı jarystar Egıpet, Marokko, Katar memleketterinde olımpıadalyq upaı beretin jarystar ótkiziledi.
Kýboktik týrnırlerde reıtıngilik upaı beriledi. Al Katarda ótetin álem kýboginde birden joldama sarapqa salynady. Alǵashqy úsh oryndy ıelengen sportshylar Olımpıadaǵa birden joldama alady.
Eske salsaq, budan buryn sadaq atýdan Qazaqstan erler quramasy Olımpıadaǵa baratyny belgili boldy.
