Stend-ap komık Nurlan Sabyrov Reseıde qamaýǵa alyndy

ASTANA. KAZINFORM — Qazaqstandyq stend-ap komık Nurlan Sabyrov Máskeýdegi Sheremetevo áýejaıynda kóshi-qon zańnamasyn buzǵany úshin ustaldy.

Reseılik BAQ-tyń habarlaýynsha, ol belgilengen merzimde Reseı aýmaǵynan shyǵýy tıis. Oǵan 5 myń rýbl (31 850 teńge) kóleminde aıyppul salynady.

Telegram-arnalardyń dereginshe, Nurlan Sabyrovtyń kóshi-qon kartasynyń merzimi ótip ketken, ıaǵnı Reseıde bolýǵa ruqsat etilgen ýaqyttan asyryp jibergen. Ol Reseı Federatsııasy aýmaǵynda 114 kún bolǵan, al zań boıynsha bir kúntizbelik jylda 90 kúnnen artyq bolmaýy kerek.

Belgili bolǵandaı, komık jańa jyldy Reseıde qarsy alǵan, elden 3 qańtarda shyqqan. Keıin 23 qańtarda qaıta kelip, 22 kún bolǵan. Bıyl 15 aqpanda taǵy oralyp, 37 kún bolǵan. 23 naýryzdan bastap Reseıde taǵy 47 kún júrgen. Ol Sheremetevo áýejaıynda ustalyp, oǵan RF Ákimshilik quqyq buzýshylyq týraly kodeksiniń 18.8-baby 3.1-bóligi boıynsha is qozǵaldy.

Sondaı-aq, Sabyrov belgilengen lımıtti asyryp jibergendikten, endi Reseıden shyǵýy qajet ekeni aıtylyp jatyr.

Eske salsaq, 2022 jyly Nurlan Sabyrov qazaqtardyń TMD-daǵy bedeli jaıynda oıyn aıtqan edi.