Stella Sýhanova: Qarsylastarymnyń mereıi ústem boldy
NAGOıA.KAZINFORM — Baıdarka jáne kanoede eskek esýden Qazaqstan ulttyq quramasynyń múshesi Stella Sýhanova Azııa oıyndaryndaǵy jarys jolyn qortyndylady.
Sportshy Kazinform tilshisine bergen shaǵyn suhbatynda, fınaldyq báseke ońaıǵa soqpaǵanyn jasyrmady.
— Fınaldyq báseke ońaı bolǵan joq. Sıgnal belgisinen bastap bar nazarym jarys jolynda boldy. Tek alǵa qaraı umtyldym. Qarsylastarym óte myqty. Olardyń mereıi ústem boldy, al men bar kúshimdi salyp qola júldege ilindim, — dedi ol.
Stella Sýhanova bul básekeden kóp tájirıbe jınaǵanyn, bolashaqta jaqsy nátıjelerge qol sozatynyn aıtty.
— Árbir sportshy Olımpıada júldegerlerine, qatysýshylary men chempıondaryna qarap boı túzeıdi, alaıda eń basty maqsat — kún saıyn ózińdi jetildirý. Sonda qalǵanynyń bári óz ornyna keledi, — dedi qazaqstandyq sportshy.
Osyǵan deıin habarlaǵanymyzdaı, Stella Sýhanova áıelder arasynda 500 metrge jekeleı synda úshinshi oryn aldy.
Sonymen qatar, Baıdarka jáne kanoede eskek esýden Qazaqstan ulttyq quramasynyń bas bapkeri Qaısar Nurmaǵanbetov Azıadany qortyndylady.
