Stavropolde dinı jáne ulttyq astary bar janjaldy sheshetin jumys toby qurylatyn boldy
ASTANA. 17 qańtar. QazAqparat - Stavropol óńiriniń parlament apparatynyń bólim basshylary men depýtattardyń kúndelikti jumys barysynda bas qosatyn májilisinde óńirde dinı jáne ulttyq astary bar janjal týa qalǵan jaǵdaıda áreket etýdiń ortaq kelisimin aıqyndap alý týraly másele kóterildi.
Stavropol Dýmasynyń baspasóz qyzmeti habarlaǵandaı, depýtattardan mundaı jaǵdaıdyń aldyn-alýǵa septigin tıgizetin zańnamalyq sheshimderdi ázirleıtin ári óńirdegi mıgratsııalyq protsesti retteıtin arnaıy jumys tobyn qurý týraly sheshim qabyldandy. Depýtattardyń aıtýynsha, mundaı qadamǵa barýyna mektep oqýshylarynyń sharıǵat talaptaryna saı kıinýine qatysty týyndaǵan daý-damaı sebep bolǵan kórinedi.
muslim.kz málimetinshe, jumys tobyn óńir Dýmasynyń tóraǵa orynbasary ıÝ.Gontar basqarýy múmkin. Depýtattar shetin máselege qatysty ózge aımaqtardyń tájirıbesine de súıenip kórmekshi. Osyǵan baılanysty depýtattar kórshiles Krasnodar óńirine baryp qaıtýdy josparlap otyr.
