Statoil Tanzanııa qaırańynan iri gaz kenishin tapty
ASTANA. 26 aqpan. QazAqparat - Statoil jáne ExxonMobil Tanzanııa qaırańynan iri gaz kenishin tapty. Bul týraly norveg kompanııasynyń resmı baspasóz baıanynda málimdelgen, dep habarlady Lenta.rý. Statoil úshin bul Shyǵys Afrıka jaǵalaýynan tabylǵan alǵashqy kenish.
Aldyn ala baǵalaýlar boıynsha, kenishtegi otyn qory 141,5 mıllıard tekshe metrdi quraıdy. Statoil baspasóz hatshysy Baard Gad Pedersen onyń kólemi budan da kóp bolýy múmkin degendi aıtty.
Statoil kenishtiń 65 paıyzyn, ExxonMobil 35 paıyzyn ıelenbek, al Tanzania Petroleum Development Corporation memlekettik kompanııasy 10 paıyz úleske ıe bolmaq.
Norveg kompanııasynyń habarynda gaz óndirýdi uıymdastyrý úshin ınfraqurylym nysandaryn salý qajet ekendigi aıtylǵan, óıtkeni Tanzanııada shıkizat ındýstrııasy damýdyń bastapqy kezeńinde tur. Osy eldiń ekonomıka jáne qarjy mınıstri Mustafa Mkýlo bıylǵy jyldyń basynda málimdegenindeı, úkimet sheteldik ınvestıtsııalar esebinen Tanzanııany «gaz respýblıkasyna» aınaldyrýdy kózdep otyr
