Statıstıkany naqty bilmeı, durys sheshim qabyldaý qıyn - Azamathan Ámirtaev

NUR-SULTAN. QazAqparat - Qazaqstanda pnevmonııamen aýyrǵandap KVI juqtyrǵandardyń statıstıkasyna engiziletin boldy. Bul týraly «Baıtaq Bolashaq» ekologııalyq alıansynyń prezıdenti Azamathan Ámirtaev pikir bildirdi, dep habarlaıdy QazAqparat tilshisi.

«Bul - durys sheshim, sebebi pnevmonııanyń órshýi koronavırýs ınfektsııasymen aýyrýǵa ákep soǵady. Test bolmaı turǵan kezde adamdar dem jetpeı, jótelip, súıekteri qaqsaıtynyn aıtatyn. Munyń bári pnevmonııanyń asqynýyna ákep soqty. Aýrýdyń asqynýy COVID-19 ınfektsııasynyń bar ekenin bildiredi. Biz QR Densaýlyq saqtaý mınıstrin qoldaımyz», - Azamathan Ámirtaev.

Onyń aıtýynsha, ctatıstıkany naqty bilmeı, durys saıası sheshim qabyldaý múmkin emes.

«Mysaly, 50 myń adam koronavırýs juqtyrdy desek - dári-dármek 50 myń adamǵa ǵana shaqtap jetkiziledi. Al shyn máninde aýyrǵandar sany odan kóp. Sonyń saldarynan dári-dármek jetispeı, adamdar dárihanalarda kezekke turady. Biz statıstıkany jaqsy bilýimiz kerek, sol sebepti koronavırýs ınfektsııasy men pnevmonııany biriktirýimiz kerek. Aqparatty jasyrmaı, halyqqa túsindirip aıtý kerek. «Aýrýyn jasyrǵan óledi» bárin ashyq túrde aıtyp, túsindirgen jaǵdaıda ǵana bul indetti jeńe alamyz», - deıdi ol.