Statıstıkalyq málimetter boıynsha, qyrkúıek aıynda kásipkerlerdiń senimdiligi 1 paıyz kórsetkishke artqan
ASTANA. Qazannyń 12-i. QazAqparat /Aıdar Ospanalıev/ - Arnaıy tekserýden ótken ónerkásip kásiporyndary ótken aılarmen salystyrǵanda aıtarlyqtaı ósken. Sóıtip, kásipkerlerdiń senimdiligi 1 paıyzdyq kórsetkishke artqan.
Statıstıka agenttigi taratqan málimetterge qaraǵanda, eldegi ónerkásip kásiporyndarynyń jetekshileri daıyn ónim kórsetkishiniń tómendep, óndirilgen ónim kórsetkishiniń artqandyǵyn aıtyp otyr. Olardyń pikirlerinshe, osynyń ózi azamattardyń iskerlik belsendilikteriniń artqandyǵyn bildiredi. Ónerkásip kásiporyndary jetekshileriniń baǵalaýlarynsha, bıylǵy jyldyń jeltoqsan aıyna deıin azamattardyń iskerlik belsendilikteriniń artýy boıynsha aıtarlyqtaı ózgerister bolmaıdy.
Sondaı-aq agenttik derekteri boıynsha, qyrkúıek aıynda saýda kásiporyndarynyń belsendiligi de kásipkerlerdiń senimdilik kórsetkishteri de ózgergen joq. Sondaı-aq jeltoqsanǵa deıin olardyń da iskerlik belsendilikteri artady deýge negiz joq.
