Statıstıkalyq kórsetkishterdiń sanyn keminde 3 ese ulǵaıtý qajet - Májilis depýtaty S. Áıimbetov
ASTANA. 2 sáýir. QazAqparat - Statıstıkalyq kórsetkishter sanyn keminde 3 esege ulǵaıtý qajet. Búgin QR Parlamenti Májilisinde Qazaqstan Respýblıkasy memlekettik statıstıkasynyń damýy,
2011 jyldyń qorytyndylary jáne 2012 jylǵy josparlaryna arnalǵan Úkimet saǵatynda depýtat Seıitsultan Áıimbetov osylaı málim etti.
Depýtattyń aıtýynsha, búgingi tańda statıstıkalyq aqparatty paıdalanýdy jaqsartý, jańa aqparattyq tehnologııalardy engizý, paıdalanýshylardy úıretý jáne olarmen keri baılanys ornatýy máselesi ózekti kúıinde alyp otyr. Paıdalanýshylar statıstıkalyq baıqaýlar ótkizý jáne qajetti statıstıkalyq derekter alý múmkindikteri týraly jetkilikti habardar emes.
«Halyqtyń, shaǵyn jáne orta kásipkerliktiń qoljetimdi jáne ýaqtyly statıstıkalyq derekterge qajettilikterin qanaǵattandyrý úshin «Taldaý» júıesinde óńirler boıynsha, taraýlar boıynsha, statıstıka synyptaýyshtary boıynsha qajetti aqparatty izdeýdiń tıimdi jáne yńǵaıly tásilin qamtamasyz etetin statıstıkalyq kórsetkishterdiń sanyn keminde 3 ese ulǵaıtý qajet dep sanaımyz. Bul rette, respondentterge arnalǵan júktemeni azaıtý úshin statıstıkalyq esepter nysandarynyń sanyn azaıtý jáne Internet arqyly on-line rejiminde statıstıkalyq nysandar toltyrýdy engizý qajet», - deıdi Seıitsultan Áıimbetov.
