Statıstıka — shynaıy aqparat strategııalyq sheshimderge negiz bolatyn tutas ekojúıe
ASTANA. KAZINFORM — Astanada statıstıkany tsıfrlyq transformatsııalaý jónindegi halyqaralyq forým aıaqtaldyAstanada «Ulttyq statıstıkalyq júıelerdiń tsıfrlyq transformatsııasy» atty eki kúndik halyqaralyq forým óz jumysyn aıaqtady. Sharaǵa túrli elderdiń ulttyq statıstıka qyzmetteriniń basshylary men sarapshylary, sondaı-aq halyqaralyq uıymdardyń ókilderi qatysty. Bul týraly Statbıýronyń baspasóz qyzmeti málim etti.
Qatysýshylar tsıfrlandyrýdyń derek óndirý úderisine áserin jáne resmı statıstıkaǵa degen senimdi arttyrýǵa múmkindik beretin tıimdi sheshimderdi talqylady.
Forým barysynda derekterdiń tsıfrlyq ekojúıesin damytý, ınnovatsııalardy engizý jáne statıstıkanyń tıimdiligin arttyrý máseleleri kóterildi. Derekterdiń sapasy men senimdiligi, protsesterdi standarttaý jáne statıstıkanyń paıdalanýshylar úshin qundylyǵyn arttyrýǵa erekshe kóńil bólindi. Spıkerler resmı derekterge qoǵamnyń senimin nyǵaıtý ashyqtyqqa, aıqyndyqqa jáne tıimdi kommýnıkatsııaǵa tikeleı baılanysty ekenin atap ótti.
QR SJRA Ulttyq statıstıka bıýrosynyń basshysy Maqsat Turlybaev óz sózinde barlyq qatysýshylarǵa statıstıkany damytýǵa qosqan úlesteri úshin alǵys aıtyp, forýmnyń mańyzdylyǵyna toqtaldy.
— Forým salalyq kásibı dıalogtyń mańyzdy alańyna aınaldy. Biz qazirgi statıstıkanyń ózekti máseleleri men damý perspektıvalaryn birge talqyladyq. Búginde statıstıka tek derekter jınaý emes, ol — tehnologııalar adamdarǵa qyzmet etetin, al shynaıy aqparat strategııalyq sheshimderge negiz bolatyn tutas ekojúıe. Forým barysynda statıstıkalyq júıelerdi damytý, derekter sapasyn qamtamasyz etý jáne ashyqtyq arqyly paıdalanýshylar senimin nyǵaıtý máselelerin qarastyrdyq. Talqylaýlarymyz kúsh biriktirý, tájirıbe almasý jáne ýaqyt talaptaryna birge jaýap izdeýdiń mańyzyn kórsetti, — dedi Maqsat Turlybaev.
Forýmda balamaly derekkózderdi qoldaný jáne Big Data-ny ıntegratsııalaý máseleleri de talqylandy. Qatysýshylar mundaı derekterdi tıimdi paıdalaný statıstıkalyq kórsetkishterdiń dáldigi men jedeldigin arttyrýǵa múmkindik beretinin, alaıda derekterdiń qaýipsizdigi men jaýapkershilik qaǵıdattarynyń saqtalýy basty talap ekenin atap ótti. Sonymen qatar memlekettik basqarýda jasandy ıntellekt pen mashınalyq oqytýdy qoldanýdyń naqty mysaldary usynyldy. Onyń ishinde ákimshilik derekterdi taldaý jáne ınflıatsııany esepteýde Big Data-ny qoldaný tájirıbesi tanystyryldy.
Aıta keteıik, Qazaqstandaǵy memlekettik statıstıkanyń 105 jyldyǵyna arnalǵan bul forýmǵa Qytaı, Sıngapýr, Grýzııa, Vengrııa, Indonezııa, Serbııa jáne TMD elderiniń statıstıka qyzmetterinen, sondaı-aq BUU, BUU EEK, OESR, ıÝNIDO, ıÝNFPA, Dúnıejúzilik bank jáne Azııa damý bankinen delegattar keldi.
Forým kásibı dıalog pen tájirıbe almasýdyń tıimdi alańyna aınaldy. Konferentsııa jumysyna 30-dan astam spıker qatysyp, statıstıka salasynda ınnovatsııalyq tásilder men tsıfrlyq sheshimderdi engizý tájirıbesimen bólisti.
Іs-shara TMD Statıstıkalyq komıtetiniń qoldaýymen ótti.
Aıta keteıik, buǵan deıin halyqaralyq uıymdar Qazaqstannyń ulttyq statıstıka júıesine joǵary baǵa bergenin jazǵan edik.