Statıstıka: Golovkın Alvareske 703 soqqy jasaǵan

ASTANA.QazAqparat - Tanymal BoxRec portaly Golovkın - Alvares jekpe-jeginen arnaıy statıstıka jarııalady, dep habarlaıdy QazAqparat tilshisi.

Málimetterde, Golovkın qarsylasyna 703 soqqy jasap, onyń 218-in dál tıgizgen (31 paıyz). Djebteriniń 361-iniń 108-i (29,9 paıyz), al qýatty soqylarynyń 342-siniń 110-y (32,2 paıyz) dóp tıgen. Al Alvares otandasymyzǵa jalpy 505 soqqy jasap, onyń 169-y soqqysy dóp tıgen (33,5 paıyz). «Kanelonyń» djebteriniń 233-iniń 55-i tıse (23,6 paıyz), 272 qýatty soqqysynyń 114-i (41,9 paıyz) dóp tıgen.

BoxRec málimetine súıensek, Alvares orta salmaqqa aýysqannan keıin Golovkın bul salmaqtaǵy 1 509 boksshynyń ishinde ekinshi orynda. Alaıda, jekpe-jekten keıin qazaqstandyq boksshyǵa 130 upaı qosylyp, upaı sany 868 upaıǵa jetti. Al meksıkalyqtyń upaı áýelgi 1127-den kemip, 997 upaı qaldy. Sondaı-aq, Golovkın BoxRec portalynyń Lb for Lb (barlyq salmaq boıynsha) reıtınginde 1 saty joǵarlap, 4 orynǵa jaıǵasty. Meksıkalyq bul reıtıngide kósh bastap tur.

Eske sala keteıik, boks jankúıerleri 2 jyl saryla kútken Golovkınmen Alvares arasyndaǵy «ǵasyr jekpe-jegi» 17 qyrkúıek AQSh-tyń Las-Vegas qalasyndaǵy «T-Mobile» arenada ótti. 12 raýndqa sozylǵan aıqasta boksshylar úsh tóreshiniń 118-110, 115-113, 114-114 esebimen teń tústi.