Statıstıka: 2009 jyldan beri halyq sany 20 paıyzǵa ósti

Ulttyq statıstıka bıýrosy «2021 jylǵy halyq sanaǵynyń» sońǵy qorytyndylaryn jarııalaı bastady, dep habarlaıdy Kazinform.

Aıta keteıik, Almaty, Shyǵys Qazaqstan, Qaraǵandy oblystary boıynsha derekter sanaq ótken ýaqytqa, ıaǵnı olar bólingenge deıin berilgen. Bul rette jańadan qurylǵan oblystardaǵy halyq sany sanaq derekterin eskere otyryp qaıta eseptelgen jáne stat.gov.kz saıtynda jarııalanǵan.

"2009 jylǵy sanaqtan beri Qazaqstan halqy 20% ósti. Tıisinshe, 2021 jylǵy 1 qyrkúıektegi sanaq qorytyndysy boıynsha halyq sany 19 186 015 adamdy qurady.

Úsh óńirde halyq sany 2 mln adamnan asty – Almaty (2 146 576) men Túrkistan oblystary (2 054 021) jáne Almaty qalasy (2 030 285)", - dep jazdy Statıstıka bıýrosynan.

Bul rette sanaq arasyndaǵy kezeńde halyqtyń eń kóp ósýi Astana qalasynda – 2 ese (613 myńnan 1 234 myń adamǵa deıin), Shymkent qalasynda 1,5 ese (730 myńnan 1 112,4 myń adamǵa deıin) jáne Mańǵystaý oblysynda (485 myńnan 735 myń adamǵa deıin) baıqaldy.