Statıstıka agenttiginiń tóraǵasy vedomstvo saıtyndaǵy málimetterdiń qazaq tiline tolyǵymen aýdarylatynyn aıtty
ASTANA. Sáýirdiń 30-y. QazAqparat /Rýslan Ǵabbasov/ - Búgin Astanada www.bnews.kz portalynda bolǵan on-laın konferentsııada QR Statıstıka agenttiginiń tóraǵasy Álıhan Smaıylov vedomstvonyń saıty jaqyn arada tolyǵymen qazaq tiline kóshetinin aıtty,
dep habarlaıdy QazAqparat.
«Statıstıka agenttiginiń saıtyndaǵy málimetter nege memlekettik tilge tolyq aýdarylmaǵan?»-degen saýalǵa Á. Smaıylov, «agenttiktiń Internet resýrstaryndaǵy aqparattar búginde 90 paıyz memlekettik tilde ornalastyrylǵan. Biz ózimizdiń saıtty budan ári jetildirýdemiz. Degenmen de, moıyndaý kerek, memlekettik tilge aýdaryp úlgermegen marterıaldar bar»,-dep jaýap qaıtardy. Osy turǵyda agenttik tóraǵasy jaqyn arada barlyq materıal memlekettik tilde jazylatynyna ýáde etti.
