Statıstıka agenttiginiń sapa menedjmenti halyqaralyq standart talaptaryna sáıkes dep tanyldy

Búgin QR Parlamenti Májilisinde ótken Úkimet saǵatynda QR Statıstıka agenttiginiń tóraǵasy Álıhan Smaıylov osylaı málim etti.

 Agenttik tóraǵasynyń aıtýynsha, búgingi kúni Qazaqstannyń Dúnıe júzilik bankpen birikken 2012-2016 jyldarǵa arnalǵan ulttyq statıstıka júıesin nyǵaıtý jónindegi jobasy tolyq masshtabty túrde júzege asyryla bastady. Bul jobany iske asyrý halyqaralyq ádisnamaǵa jáne úzdik tájirıbege sáıkes barlyq statıstıka júıesiniń tıimdiligin arttyrýǵa yqpal etedi.

«Aǵymdaǵy jyly agenttikpen ártúrli sheteldik uıymdardyń, onyń ishinde Azıattyq jáne Islam damý banki, Evropalyq Odaq, Kóshi-qon boıynsha halyqaralyq uıymy, Eńbek halyqaralyq uıymy jáne basqalardyń ókilderimen tájirıbe almasý júzege asyrylyp keledi. «Qazaqstan úsh jyl qatarynan TMD elderiniń Statıstıkalyq qyzmetteri basshylarynyń keńesine tóraǵalyq etip keledi. Bul sheteldik áriptester jaǵynan bizge degen joǵary deńgeıdegi senimdilikti aıqyndaıdy. Sonymen qatar, ótken jyldyń jeltoqsanynda halyqaralyq aýdıtorlyq kompanııasymen ótkizilgen Sapa Menedjmenti Júıesi aýdıtiniń qorytyndylary boıynsha Agenttiktiń sapa menedjmenti halyqaralyq standart talaptaryna sáıkes dep tanyldy. Sonymen qatar, bizge halyqaralyq sáıkestik sertıfıkaty tapsyryldy», - deıdi Á. Smaıylov.