Statıstıka agenttiginiń Halyq sanaǵyn ótkizýge júrgizgen jáne «KIІK» JShS-niń jeńip alǵan tenderi zańsyz dep tabyldy

dep habarlaıdy QazAqparat.

Búgin Astana qalalyq sotynyń azamattyq ister jónindegi alqa májilisinde «Kıik» JShS-niń appelıatsııalyq shaǵymyn qarastyrý kezinde sot qyrkúıektiń 16-da shyqqan sheshimdi ózgerissiz qaldyrdy. ıAǵnı Statıstıka agenttiginiń Ulttyq halyq sanaǵyn ótkizýge júrgizgen jáne «KIІK» JShS-niń jeńip alǵan tenderi zańsyz dep tabyldy.

Baıqaýǵa qatysý úshin 14 ótinim túsken jáne onyń ishinde Sankt-Peterborlyq  «Tıpografııa Vzlet» JAQ-y da bar. Biraq «Fırma «Kıik» JShS-nen basqa 13 ótinim N. Baıanov basqarǵan baıqaý komıssııasymen baıqaýdan shyǵarylyp tastalyp, «Kıik» jeńip shyqty. Eske sala keteıik, 2009 jylǵy aqpan-naýryz aılarynda Qazaqstan Respýblıkasynda Ulttyq halyq sanaǵyn ótkizýge memlekettik bıýdjetten 1 mlrd. 144 mıllıon teńge bólingen bolatyn.

«Kıik» fırmasynyń ózi bolsa, jabdyqtardy 144,9 mln. teńgege ǵana daıyndaǵan. Sonymen qatar, «Tıpografııa Vzletten» blankterdi 183,3 mln teńgege satyp alǵan.

Bıýdjettik tapsyrysty toltyrǵanda statagenttik laýazym ıeleri jalǵan baǵa usynysynyń arqasynda bir blanktiń baǵasyn 15 teńge dep kórsetken. Bıýdjettik ótinim qabyldanǵan soń, N. Baıanov bir blanktiń baǵasyn 7 teńge dep ózgertip, al satyp alýlardyń aldynda bul baǵany ol negizsiz qaıtadan 17 teńge dep kórsetken.

Ulttyq halyq sanaǵy shyn máninde 379 mıllıon teńgege ótkizilgeni, al qarajattyń 764 mln. 800 myń teńge mólsherindegi bóligi laýazymdy tulǵalar men jeke kásiporyndardyń basshylary tarapynan ysyrap etilgeni belgili boldy. Nátıjesinde 764 mln. 800 myń teńge  ysyrap etilgen, onyń 497 mln. 800 myń teńgesi jalǵan kásiporyndardyń esepshottary arqyly qolma-qol aqshaǵa aınaldyrylǵan.