Statıstıka agenttiginiń burynǵy tóraıymy A. Meshimbaevany tutqynǵa alý týraly másele kóterilgen emes - Joǵarǵy sot ókili
ASTANA. Qazannyń 27-si. QazAqparat /Aıdar Ospanalıev/ - QR Statıstıka agenttiginiń burynǵy tóraıymy Anar Meshimbaevany tutqynǵa alý týraly másele Joǵarǵy sotta kóterilgen emes. Bul týraly búgin Joǵarǵy sottyń Qylmystyq isterdi baqylaý alqasynyń tóraǵasy Aqyltaı Qasymov málim etti.
Onyń sózine qaraǵanda, Agenttik tóraıymynyń orynbasarlary men Agenttiktiń ózge de basshylaryna qatysty is qozǵaý máselesi boldy. «Al A.Meshimbaeva bolsa qazirgi tańda Máskeýde turyp jatyr. Tergeý organdary bul málimetterden habardar. Eger ony tutqynǵa alý jóninde tıisti organdardan usynys tússe jáne tıisti qujattar tolyq usynylatyn bolsa, A.Meshimbaevaǵa qatysty sanktsııalaý jumystary másele týdyrmaıdy», - dedi A.Qasymov.
Sondaı-aq onyń aıtýynsha, qandaı da bir azamattyń qylmys jasap, tek sot sanktsııa bermeýi sebepti shetelge qashyp ketý jaǵdaılary áli elimizde bolǵan emes.
