Statıstıka agenttigine jabdyqtardy jańǵyrtýǵa 700 mıllıonǵa jýyq qarjy qajet - Á. Smaıylov
qpannyń 16-sy. QazAqparat /Rýslan Ǵabbasov/ - Statıstıka agenttigine jabdyqtardy jańǵyrtýǵa bıyl 700 mıllıonǵa jýyq qarjy qajet. Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti,
dep habarlaıdy QazAqparat.
«Tıisti jabdyqtar men júıelik jabdyqtardy, sondaı-aq serverlik jabdyqtardy jańartý úshin bıyl 700 mıllıon teńgege jýyq qarjy qajet. Bul sáıkes bıýdjettik málimdeme. Ol aǵymdaǵy jyldaǵy bıýdjetti naqtylaý kezinde qarastyrylmaq»,-dedi Agenttik basshysy.
Aıta keteıik, Statıstıka agenttiginiń alqa májilisinde Úkimetten 2010 jylǵy bıýdjetti naqtylaý kezinde aktıvti jelilik jabdyqty jáne qurylymdyq kabeldi jelini satyp alýǵa qoldaý kórsetý máselesi kóterilgen bolatyn. Statıstıka agenttiginiń tóraǵasy Álıhan Smaıylovtyń aıtýynsha, Agenttik qosymsha 2010 jylǵa 670 mıllıon teńge surap otyr. Onyń 525 mıllıony belsendi jelilik jabdyqtarmen, qurylymdardy kabeldik jeli qurylǵylarymen jasaqtaýǵa jumsalmaq. «Qazirgi jabdyqtar 90-shy jyldardyń basynda alynǵan. Olar fızıkalyq jáne moraldyq jaǵynan ábden tozǵan. Onyń ústine ınfraqurylymdarymyz Almaty qalasynda ornalasqan. Biz ortalyqty Astana qalasynda jasaqtaýymyz kerek. Osyǵan baılanysty atalǵan qarjyǵa jabdyqtardy jańartamyz», dedi Á. Smaıylov alqa májilisinde.
