Statıstıka agenttigi maýsym aıynan bastap «Taldaý» aqparattyq-saraptamalyq júıesin iske qosady

Bul týraly búgin elordada ótken baspasóz máslıhaty barysynda QR Statıstıka agenttiginiń tóraǵasy Álıhan Smaıylov málim etti.

Biz jańa aqparattyq-tehnologııalardy engizý jumystaryn jalǵastyrýdamyz. «E-statıstıka» aqparattyq júıesin qurý aıasynda «Taldaý» aqparattyq-saraptamalyq júıesin quryp jatyrmyz. Barlyq statıstıkalyq kórsetkishterdi biz bir úlken derekqoryna jınap, tıisti ınterfeıs arqyly barlyq paıdalanýshylarǵa usynamyz», - dedi ol.

Onyń atap ótýinshe, paıdalanýshy ózine qajetti kez kelgen kesteni nemese dıagrammany quryp, alǵashqy taldaý jumystaryn jasaýyna bolady. Sonymen qatar ártúrli salystyrmaly taldaý jumystaryn júrgizýge de múmkindik alady.

Qazirgi ýaqytta atalǵan júıege 300 statıstıkalyq kórsetkish júktelgen. Agenttik jyl sońyna deıin olardyń qataryn 2 myńǵa jetkizýdi josparlap otyr.