Statıstıka agenttigi ındýstrııalyq baǵdarlamanyń oryndalý barysy jóninde toqsan saıyn bıýlleten shyǵaratyn bolady - Agenttik tóraǵasy

amyrdyń 24-i. QazAqparat /Qanat Mámetqazyuly/ - Statıstıka agenttigi elimizde júzege asyp jatqan Údemeli ındýstrııalyq-ınnovatsııalyq damý baǵdarlamasynyń oryndalý barysyna arnalǵan toqsan saıynǵy bıýlleten shyǵarýdy josparlap otyr.

Búgin QR Parlamenti Májilisinde «Memlekettik statıstıkany jetildirýdiń basty baǵyttary» atty taqyrypta ótken Úkimet saǵatynda QR Statıstıka agenttiginiń tóraǵasy Álıhan Smaıylov osylaı málim etti, dep habarlaıdy QazAqparat.

«Agenttiktiń negizgi mindeti memlekettiń strategııalyq maqsatyna qol jetkizý tıimdiligin, áleýmettik-ekonomıkalyq jaǵdaı monıtorıngin júzege asyrý úshin sapaly jáne ózekti statıstıkalyq aqparatpen qamtamasyz etý. Osy maqsatta agenttik statıstıkanyń 20 salasy boıynsha myńnan asa negizgi jáne 16 myńǵa jýyq naqtylanǵan statıstıkalyq kórsetkishterdi ázirleıdi. Elbasynyń aǵymdaǵy jylǵy Joldaýyn jáne Údemeli ındýstrııalyq-ınnovatsııalyq damý baǵdarlamasynyń iske asyrylýyn statıstıkalyq monıtorıngileý maqsatynda agenttik tıisti sharalardy atqaryp otyr. Bunyń aıasynda baǵdarlamanyń nysanaly ındıkatorlaryn kórsetetin statıstıkanyń tizbesi ázirlendi», dedi agenttiktiń qazirgi atqaryp otyrǵan jumystaryna toqtalǵan Á. Smaıylov.

Onyń aıtýynsha, Údemelý ındýstrııalyq-ınnovatsııalyq damý baǵdarlamasynyń iske asý barysy týraly toqsan saıyn tıisti bıýlletender shyǵarý josparlanýda. Sonymen qatar, memlekettik organdardyń strategııalyq josparyn iske asyrý monıtorıngin júzege asyrý úshin 37 nysanaly ındıkatorlar qalyptasqan.

«Bular agenttiktiń ınternet resýrsynda ornalasqan. Statıstıkalyq aqparatty alý úshin statıstıka organdary 190 myńnan astam zańdy tulǵalar, fılıaldar jáne ókildiktermen, 48 myń jeke kásipkerlermen, 33 myń úsh sharýashylyqtarymen ózara is-qımyl júrgizedi. 11 myń tirkeý organdaryna baǵany tirkeý sekildi baǵalaýlardy ótkizedi», dedi Agenttik tóraǵasy.