Statıstıka agenttigi apta saıyn azyq-túlik taýarlarynyń baǵasyna monıtorıng júrgizbek

Bul týraly búgin QR Statıstıka agenttiginde ótken baspasóz máslıhatynda vedomstvo basshysy Álıhan Smaıylov málim etti.

«Azyq-túlik taýarlaryna ınflıatsııalyq úrdistiń kúsheıýine baılanysty Statıstıka agenttigi kelesi aptadan bastap, apta saıyn olardyń baǵasyna monıtorıng júrgizedi», - dedi ol.

Sondaı-aq agenttiktiń aı saıyn ınflıatsııaǵa qatysty málimetterdi jarııalap turatyndyǵyn eskertip ótken onyń aıtýynsha, qolǵa alynǵaly otyrǵan shara Úkimet pen jergilikti atqarýshy organdar azyq-túlikterdiń baǵasyna qatysty resmı tsıfrlardy bilip otyrýy úshin qolǵa alynbaq. Azyq-túlik baǵasynyń apta saıynǵy ósýi týraly aqparattar beısenbi kúni sol aptadaǵy seısenbi kúngi jaǵdaı boıynsha jarııalanyp otyrmaq.

Jyl saıyn qańtar aıynda jemis-jıdektiń, et pen et ónimderiniń, sút ónimderiniń, jumyrtqa men kúnbaǵys maıynyń baǵasy ósetindigin aıtqan Á.Smaıylov: «Qazir ınflıatsııalyq úrdisterdiń kúsheıýi baıqalýda. Taıaý aılar berilgen dáliz aıasynda baǵany qanshalyqty ustap tura alatyndyǵymyzdy kórsetedi. Meniń oıymsha, ázirshe qandaıda bir pessımıstik boljam jasaýǵa erterek», - dedi.