Statıstıka agenttigi: 2011 jyldyń sońǵy aıynda eńbekpen qamtylmaǵan halyq sany 479,2 myń adamdy qurady
ASTANA. 13 qańtar. QazAqparat /Jasulan Joldybaev/ - 2011 jyldyń jeltoqsan aıynda Qazaqstanda 479,2 myń adam jumyssyz boldy.
Bul týraly QR Statıstıka agenttiginiń búgin ótkizgen brıfıngisinde málim boldy.
«2011 jylǵy jeltoqsanda jumyssyzdar sany baǵalaý boıynsha 479,2 myń adamdy qurady. Jumyssyzdyq deńgeıi ekonomıkalyq belsendi halyq sanyna shaqqanda 5,4 paıyz boldy», - dedi QR Statıstıka agenttiginiń tóraǵasy Álıhan Smaıylov.
Onyń aıtýynsha, jumyspen qamtý organdarynda jumyssyzdar retinde tirkelgender sany 2011 jylǵy jeltoqsan aıynyń sońyna 36,6 myń adamdy nemese ekonomıkalyq belsendi halyq sanyna shaqqanda 0,4 paıyzdy qurady.
«Baǵalaý boıynsha jasyryn jumyssyzdyq deńgeıi ekonomıkalyq belsendi halyq sanynyń 0,4 paıyzyn qurady», - dep túıindedi vedomstvo basshysy.
