Statıstıka agenttigi 2009 jyldaǵy Ulttyq halyq sanaǵynyń tolyq qorytyndysyn shyǵardy
ASTANA. 12 qarasha. QazAqparat /Rýslan Ǵabbasov/ - Búgin QR Statıstıka agenttigi 2009 jyldaǵy Ulttyq halyq sanaǵynyń tolyq qorytyndysyn shyǵardy. Bul qorytyndy málimetterdi atalǵan agenttiktiń tóraǵasy Álıhan Smaıylov tanystyrdy.
«2009 jyldaǵy halyq sanaǵynyń nátıjesi boıynsha Qazaqstan halqynyń sany 16 mln. 009 myń 600 adamǵa jetti. Halyq sanaǵy arasyndaǵy kezeńinde elimizdiń halqy 1 mln. 028 myń 300 adamǵa artty. ıAǵnı, 1999 jyldaǵy aldyńǵy sanaqpen salystyrǵanda el azamattarynyń ósimi 6,9 paıyzdy qurady»,-dep jarııa etti agenttik basshysy.
Atalǵan sanaq qorytyndysy boıynsha elimizdegi qala turǵyndarynyń úlesi - 54,1 paıyzdy, aýyl halqy - 45,9 paıyzdy qurap otyr. Á. Smaıylovtyń sózine qaraǵanda, osy jyldary Qazaqstandaǵy aýyl turǵyndarynyń sany artyp otyr, al qalalyq jurtshylyqtyń úlesiniń ósý deńgeıi eleýli deńgeıde emes. Atap aıtqanda, qala halqynyń sany 8 mln. 662 myń 400 adamdy, aýyldyq jerdiń halqy - 7 mln. 347 myń 200 adamdy qurady. «Aýyldy eldi mekenniń halqy 821,7 myń adamǵa (12,6 paıyzǵa), al qalalyqtar 206,6 myń adamǵa (2,4 paıyzǵa) ósti»,-dep túıindedi sózin vedomstvo basshysy.
