Statıstıka: 1 tamyzda Qazaqstan halqynyń sany 16 mln. 800 myńnan astamdy qurady
ASTANA. 14 qyrkúıek. QazAqparat - Bıylǵy 1 tamyzdaǵy jaǵdaı boıynsha elimiz halqynyń sany 16815,6 myń adamdy qurady.
Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti.
«Onyń ishinde qalalyqtar - 9200,5 myń (54,7 paıyz), aýyldyqtar - 7615,1 myń adamdy (45,3 paıyz) qurady. 2012 jyldyń basymen salystyrǵanda jalpy el boıynsha halyq sany 140,2 myń adamǵa nemese 0,8 paıyzǵa kóbeıdi»,-dep atap ótti agenttik tóraǵasy.
Onyń sózine qaraǵanda, qańtar-shildede respýblıka halqynyń tabıǵı ósimi 137,9 myń adamdy (2011 jylǵy qańtar-shildede 128,6 myń adam) qurady. Tabıǵı ósimniń jalpy koeffıtsıenti 1 myń adamǵa shaqqanda 14,1 adamdy qurady.
«Aǵymdaǵy jyly qańtar-shildede AHAT organdaryna 223,6 myń náreste tirkeldi. Bul kórsetkish ótken jyldyń sáıkes kezeńine qaraǵanda 3,8 paıyzǵa artyq», - dedi ol.
