Stas Pokatılov oınaıtyn «Sabah» komandasy Chempıondar lıgasynyń negizgi kezeńine shyqty
ASTANA. KAZINFORM — Qazaqstandyq qaqpashy Stas Pokatılov oıyn kórsetetin Ázerbaıjannyń «Sabah» fýtbol komandasy Chempıondar lıgasy negizgi kezeńine joldama aldy.
Ázerbaıjandyq komanda pleı-off satysynyń qarymta oıynynda Izraıldiń «Hapoel» (Bezr-Sheva) komandasynan 5:2 esebimen basym tústi. «Sabah» sapynda Stas Pokatılov alǵashqy mınýttan jasyl alańǵa shyqty.
Alǵashqy kezdesýde ızraıldik klýb 2:1 esebimen jeńgen edi. Eki oıynnyń qorytyndysymen ázerbaıjandyq klýb 6:4 esebimen jeńiske jetip, negizgi kezeńge joldama aldy.
Aıta ketsek, almatylyq komanda eýrokýboktaǵy joryǵyn aldymen Chempıondar lıgasynda bastap, alǵashqy eki irikteý kezeńinde Chernogorııanyń «Sýteska» klýbynan (2:1, 2:0), Chernogorııanyń Kıprdiń «Omonııa» (1:0, 0:1, penaltıden 6:5) klýbtaryn qapy qaldyrǵan edi. Odan keıin Bolgarııanyń «Levskı» komandasyna (0:1, 0:1) jol berdi.
Al Eýropa lıgasy pleı-off kezeńinde almatylyq «Qaırat» alǵashqy kezdesýde «Anderlehtke» ese jiberdi.
Sondaı-aq, almatylyq klýb ótken maýsymda Chempıondar lıgasynyń negizgi kezeńinde Portýgalııanyń «Sportıng» (1:4), Ispanııanyń «Real Madrıd» (0:5), Italııanyń «Inter» (1:2), Grekııanyń «Olımpıakos» (0:1), Danııanyń «Kopengagen»(2:3), Belgııanyń «Brıýgge» (1:4), Anglııanyń «Arsenal» (2:3) klýbtaryna jol berse, Kıprdiń «Pafosymen» 0:0 esebimen teń túsken edi.
