«Startup Genome» kompanııasy óziniń tájirıbesin Qazaqstanmen bólispek

ASTANA. QazAqparat - Innovatsııalyq tehnologııalar salasynda Qazaqstandy AQSh-pen jáne Eýropamen baılanystyrǵymyz keledi. Bul týraly búgin «Digital Bridge» halyqaralyq ınnovatsııalyq forýmy aıasynda BAQ ókilderine suhbat bergen «Startup Genome» bas dırektory Jan-Frantsýa Gote bildirdi, dep habarlaıdy QazAqparat tilshisi.
None
None

«Qazaqstanǵa ІT-tehnologııalar salasyn damytýǵa járdem berý maqsatynda kelip otyrmyz. Biz Qazaqstandy AQSh-pen jáne Eýropamen baılanystyra alamyz. Sonymen qatar, biz barynsha kooperatıvti bolýymyz qajet», - dedi ol.

Onyń aıtýynsha, «Startup Genome» kompanııasy óziniń ІT-tehnologııalar salasynda jınaqtaǵan tájirıbesin Qazaqstanmen bólisip, kómek kórsetýge daıyn.

«Jalpy, Qazaqstannyń bul baǵyttaǵy áleýeti óte jaqsy. Buǵan qosa, elderińizde ınjenerlik jáne aqparattyq kóptegen joba bar eken. Olar bolashaqta Qazaqstannyń ınnovatsııalyq tehnologııalar salasynyń gúldenýine septigin tıgize alady», - dedi Jan-Frantsýa Gote.

Aıta keteıik, forýmynyń ashylýynda QR Aqparat jáne kommýnıkatsııalar mınıstri Dáýren Abaev Qazaqstan Azııa men Eýropa tehnologııalyq ortalyqtarynyń arasynda altyn kópirge aınalatyndyǵyn aıtty.

Digital Bridge - Qazaqstandaǵy bıylǵy jyly ótip otyrǵan basty ınnovatsııalyq oqıǵa. 

Qatysýshylar forýmnyń dıalogtik alańynda tsıfrlandyrý salasyndaǵy sońǵy álemdik trendterdi talqylap, aldyńǵy qatarly tájirıbelermen jáne bıznes-modeldermen bólisedi. Forýmǵa halyqaralyq ІT-qoǵamdastyǵynyń negizgi ókilderi, tehnologııa salasyndaǵy tanylǵan sarapshylar, kásiporyn basshylary, tehnologııalyq kásipkerler, sondaı-aq birqatar eldiń memlekettik sektorlarynyń ókilderi, ǵalymdar, tsıfrlyq ázirlemeler salasynyń mamandary, venchýrlyq ınvestorlar qatysýda.

Forým aıasynda «Tsıfrlyq ekonomıka damýynyń jahandyq trendi jóninde dıalogy» atty plenarlyq sessııasy ótedi. Sonymen qatar sessııa jumysyna QR Premer-Mınıstri Baqytjan Saǵyntaev, Reseı Federatsııasynyń tsıfrlyq damý, baılanys jáne buqaralyq kommýnıkatsııalar mınıstri Konstantın Noskov qatysady dep kútilýde.

Сейчас читают