«Startup«Bolashak» baıqaýynyń jeńimpazdary 48 mıllıon teńge aldy
ASTANA. QazAqparat - Habar telearnasynda «Startup «Bolashak» realıtı-shoýynyń ekinshi kezeńiniń kórsetilimi aıaqtaldy, dep habarlaıdy QazAqparat «Bolashaq» qaýymdastyǵyna silteme jasap.
Baıqaýǵa Qazaqstannyń barlyq aýmaǵynan 18 ben 29 jas aralyǵyndaǵy jastar jáne quramy 5 adamnan quralǵan toptar qatysty.
Qazylar alqasy tyńǵylyqty tańdaý barysynda 2 752 ótinishten 26 bıznes-ıdeıany tańdap aldy. Olardyń avtorlary «Startup «Bolashak» baıqaýynyń ekinshi kezeńine joldam aldy.
Realıtı-shoý barysynda qatysýshylar óz tálimgerleriniń qadaǵalaýymen jobalardy qorǵaýdy úırenip, bıznesti júrgizý mektebinen ótti.
Baıqaý qorytyndysy boıynsha, І oryndy Nazym Musabekova (Ótenaı aýyly, Almaty oblysy.) "Akvamádenıetti qalyptastyrý arqyly Úshkól kóliniń tartylýynyń aldyn alý" jobasymen ıelendi. Ol óz ekologııalyq jobasyn damytý úshin 7 mln teńge aldy.
«Zertis Agro" Eko ferma 4.0» jobasymen 2-oryn alǵan almatylyq Dıas Tastanbekov óz jobasy úshin 6 mln teńge ıelendi.
Jezqazǵandyq Alekseı Lıdiń «Elektronık» óskeleń urpaqqa arnalǵan ınnopark» jobasy 3-orynǵa laıyqtalyp, ol 5 mln teńge aldy.
Eýropalyq Keńestiń qarjylaı qoldaýymen BUU damytý baǵdarlamasynyń 5 mıllıondyq 3 grantyn Nazym Mýsabekova, Alekseı Lı jáne Nurgúl Seıtbekova "Qol jetimdi. Yńǵaıly. Ádemi" jobasy boıynsha ıelendi. Bul joba múmkindigi shekteýli jandarǵa baǵyttalǵan kıimderdi tigý jáne satýǵa negizdelgen.
Sonymen qatar baıqaý qazylary bolashaǵy bar degen jobalarǵa 15 mln teńgedeıtikeleı ınvestıtsııa quıdy. 
Ǵalym Báıtimbetovtiń mektep, kolledj jáne JOO qatysýshylaryna arnalǵan sapaly sýmen qamtamasyz etýge baǵyttalǵan «AquaPoint» jobasyn Serikbaı Bısekeev 3 mln teńgege qarjylandyrdy.
Serik Bısekeev pen Erlan Ospanov «ZertisAgro» Eko ferma 4.0» atty jobanyń avtory Dıas Tastanbekovke árqaısysy 2 mln teńgeden berdi.
Eraly Saýranbaev jas tehnologııalyq kásipker Alekseı Lıdiń «Elektronık» óskeleń urpaqqa arnalǵan ınnopark» jobasy úshin 2 mln teńge usyndy.
Qaırat Qudaıbergen Alekseı Lıge («Elektronık» óskeleń urpaqqa arnalǵan ınnoparky») 3 mln teńge jáne Dıasa Tastanbekovke («ZertisAgro» Eko ferma 4.0») 2 mln teńge qarjy saldy.
Almas Qudaıbergen Nurgúl Seıtbekovanyń («Qol jetimdi. Yńǵaıly. Ádemi») jobasyna - 1 mln teńge ınvestıtsııa saldy.
Osyǵan sáıkes, «Startup «Bolashak» baıqaýynyń 2 kezeńinde bıznes-jobalardy qoldaý úshin barlyǵy 48 mln teńge qarjy bólindi. 
