Starship zymyranyn synaqtyq ushyrý birneshe aıdan keıin qaıtalanady

NЬıÝ IORK. QazAqparat - Amerıkalyq SpaceX kompanııasy Starship ǵarysh kemesi prototıpiniń kezekti synaq ushyrýyn birneshe aıdan keıin ótkizýdi josparlap otyr, dep habarlaıdy QazAqparat TASS agenttigine silteme jasap.

«SpaceX komandasyn qyzyqty Starship synaq ushyrýymen quttyqtaımyz. Biz birneshe aıdan keıin bolatyn kelesi synaq kezeńi úshin kóp nárseni úırendik», - dep jazdy komandanyń negizin qalaýshy Ilon Mask Twitter-de.

Aıta keteıik, beısenbi kúni SpaceX Starship ǵarysh kemesi prototıpi bar zymyran tasyǵyshynyń alǵashqy synaq ushyrýyn ótkizgen bolatyn. 38 shaqyrym bıiktikke jetken 120 metrlik zymyran ushyrylǵannan keıin shamamen eki jarym mınýttan soń baqylaýsyz aınala bastady. Taǵy bir jarym mınýt ótkende jaryldy.

SpaceX veb-saıtyndaǵy habar taratýshylar budan buryn zymyran ushyrý alańynan kóterile alatyn bolsa, synaq ushyrý sátti dep esepteletinin atap ótken.