«Starshaktar» urǵan: Mańǵystaý oblysynda 17 jastaǵy oqýshy kisi qolynan qaza tapty

AQTAÝ. KAZINFORM – Qaıǵyly oqıǵa Beıneý aýdanynda bolǵan. Saǵyndyq esimdi 11-synyp oqýshysy dostarymen serýenge ketip, belgisiz jaǵdaıda qaza tapqan.

Marqumnyń týystary Saǵyndyqtyń kisi qolynan mert bolǵanyna senimdi. Sebebi olar bozbalanyń denesinen uryp-soǵý belgilerine uqsas daqtardy kórip, Aqtaý qalasyna saraptamaǵa ákelgen. Al marqumnyń dostary aýylda «starshaktar» bar ekenin moıyndaǵan. Olardyń aıtýynsha, sol kúni «starshaktar» bulardy qatarǵa turǵyzyp, kezek-kezek urǵan. 17 jastaǵy Saǵyndyq sol kezde jerge qulap túsipti. Dostary ony dárigerge aparǵan. Medıtsına mamany onyń qaıtys bolǵanyn rastaǵan.

Mańǵystaý oblystyq Polıtsııa departamenti baspasóz qyzmetiniń habarlaýynsha, osy oqıǵa qatysy bar kúdikti ustalǵan.

- Densaýlyqqa qasaqana aýyr zııan keltirdi. Onyń sońy adam ólimine ákep soqty degen derekpen (QR QK 196-babynyń 3-bóligi) kúdikti ustaldy, - delingen habarlamada.

Aıta keteıik, qaıtys bolǵan oqýshy – ata-anasynyń jalǵyz uly. Marqum bıyl 11-synypty bitirip, hımııa – bıologııa baǵyty boıynsha joǵary oqý ornyna túsýge daıyndalyp júrgen eken.

Buǵan deıin Mańǵystaýda brakonerlerdiń aýynan óli ıtbalyqtar tabylyp jatqany týraly jazǵan bolatynbyz.