Starbucks 1100 qyzmetkerin qysqartpaq

ASTANA. KAZINFORM — Starbucks kompanııasynyń bas dırektory Braıan Nıkol dúısenbi kúni kompanııanyń 1100 qyzmetkerin qysqartý týraly málimdedi, dep habarlaıdy CNBC.

Bul ózgerister kompanııanyń kafe jelisindegi qyzmetkerlerge áser etpeıdi. Onyń aıtýynsha, atalǵan sharanyń basty maqsaty – kompanııa jumysyn jeńildetip, sońǵy tórt toqsan boıy satylymy tómendegen bıznesti qaıta jandandyrý.

2024 jyldyń qyrkúıegindegi málimetter boıynsha, Starbucks-ta 361 myń qyzmetker jumys isteıdi, onyń 16 myńy ákimshilik jáne qoldaý kórsetý bólimderinde qyzmet etip jatyr.

Kompanııa esebine sáıkes, sońǵy toqsanda álemdegi barlyq Starbucks fılıaldarynyń satylymy 4%-ǵa tómendep, bul jalpy paıdaǵa da keri áserin tıgizdi.

Eske sala keteıik, budan buryn Amazon men Starbucks qyzmetkerleri AQSh-tyń ártúrli qalalarynda kásipodaqtardy moıyndaýdy, jalaqyny kóterýdi, jeńildikterdi jáne jumys jaǵdaıyn jaqsartýdy talap etip, ereýilge shyqqanyn jazǵan bolatynbyz.