Stanıslav Cherchesov Qazaqstan quramasynan ketti
ASTANA. KAZINFORM - Fýtboldan Qazaqstan ulttyq quramasynyń bas bapkeri Stanıslav Cherchesov qyzmetinen ketti, dep habarlaıdy Qazaqstan fýtbol federatsııasy.
Eńbek sharty eki jaqtyń ózara kelisimi boıynsha toqtatyldy.
Stanıslav Cherchesov Qazaqstan quramasynyń tizginin 2024 jyldyń maýsymynda ustady. Onyń jetekshiligimen ulttyq qurama ÝEFA Ulttar lıgasynda 6 match ótkizip, Norvegııa quramasymen teń oınap, 1 upaı jınady.
Sondaı-aq Qazaqstan quramasynan jattyqtyrýshylar shtaby tolyq qurammen ketti.
- Qazaqstan fýtbol federatsııasy Stanıslav Salamuly men onyń shtabyna atqarǵan jumysy úshin alǵys aıtyp, mansabyna tabys tileıdi! Fýtboldan ulttyq quramanyń bas bapkeri qyzmetine úmitkerler tizimi qarastyrylyp jatyr, - delingen habarlamada.
Osyǵan deıin Qazaqstannyń fýtbol federatsııasy Cherchesovtiń otstavkaǵa ketýi jóninde málimdeme jasaǵan bolatyn.