Stanımır Stoılov «Astanamen» kelisimshartyn 2 jylǵa uzartady
ASTANA. QazAqparat - «Astana» klýbynyń bas jattyqtyrýshysy Stanımır Stoılov komandamen kelisimshartyn 2 jylǵa uzartady. Bul týraly «Galatasaraımen» ótken oıynnan keıin bapkerdiń ózi habarlady, dep habarlady massaget.kz.
Klýb pen jattyqtyrýshy arasyndaǵy kelisimshartqa erteń qol qoıylady. Nátıjesinde bolgar mamany qazaqstandyq klýbty aldaǵy eki maýsym jattyqtyratyn bolady.
- Men maýsymnyń sońyn kúttim. «Astanamen» kelisimshartty uzartýǵa kelisimimdi berdim. Erteń qol qoıatyn bolamyz. Men komandany saqtap, jańa talantty oıynshylardy qosqym keledi, - dedi Stanımır Stoılov.
Aıta keteıik, Stanımır Stoılov «Astana» klýbyn 2014 jyldan beri jattyqtyryp keledi. Klýb pen bapker «1+1» júıesi boıynsha kelisimshartqa qol qoıǵan-dy. Bolgar bapkeriniń kelýimen elordalyq klýb qazaq fýtboly tarıhynda óz atyn qaldyrdy.
El chempıonatynda top jardy, sýperkýbokty ıelendi. Sondaı-aq, Chempıondar lıgasynyń toptyq kezeńine shyqqan qazaqstandyq birinshi klýb atandy. Osyǵan deıin bolgar basylymdarynyń aqpary boıynsha bapker jylyna 1 mıllıon dollarǵa jýyq jalaqy alatyny aıtylǵan bolatyn.
