Stanımır Stoılov jankúıerlerdi «Astana» men «Qaıratqa» qoldaý kórsetýge shaqyrdy
ASTANA. QazAqparat - Qazaqstan quramasynyń bas bapkeri Stanımır Stoılov jankúıerlerdi eýrokýbok týrnırleriniń jaýapty matchtarynda «Astana» men «Qaırat» komandalaryna qoldaý kórsetýge shaqyrdy, dep habarlaıdy «SPORTINFORM» Qazaqstan fýtbol federatsııasynyń saıtyna silteme jasap.
«Eýropalyq týrnır úshinshi biliktilik kezeńderiniń alǵashqy matchtarynyń nátıjesi boıynsha, «Astana» men «Qaırat» qarsylastarynan jeńilis tapty. Zamanaýı fýtbolda barlyǵy da múmkin, sondyqtan «Astananyń» da, «Qaırattyń» da jaýapty kezdesýlerde jaqsy nátıje kórsetýge múmkindikteri bar.
Kelesi aptada eki klýbymyz da bar kúshin salyp, sońyna deıin berispeıtinderine senimdimin. Alaıda «Astana» men «Qaırattyń» qarsylastary osal emes ekenin umytpaý kerek. Alǵashqy matchtar buǵan dálel. Degenmen, «Qaırat» pen «Astana» eki matchtyń nátıjesi boıynsha ary qaraı ótedi dep senemin. Qos klýtyń barlyq jankúıerin fýtbolshylarymyzǵa qoldaý kórsetip, senimderin joǵaltpaýlaryn suraımyn!» , - dedi Stoılov.
Eske salaıyq, «Astana» komandasy Chempıondar lıgasynyń úshinshi irikteý kezeńinde óz alańynda zagrebtik «Dınamoǵa» jeńisti bergen edi. Almatylyq «Qaırat» Eýropa Lıgasynyń dál osyndaı kezeńinde chehııalyq «Sıgmadan» jeńilip qaldy. Jaýap matchtar kelesi aptada ótedi.
