«Stan» ınternet-basylymynyń tilshisin óltirgen qaraqshynyń isi sotqa joldandy - Bas prokýratýra
ASTANA. 12 qańtar. QazAqparat - Prokýratýra organdary baqylaýymen «Stan» ınternet-basylymynyń tilshisi Saıat Shúlembaevty óltirý faktisi ashylyp, qylmystyq is sotqa joldandy,
dep habarlaıdy QazAqparat.
Bas prokýratýranyń baspasóz qyzmeti taratqan málimetterge qaraǵanda, qylmystyq áreket Shúlembaevtyń múlikterin ıemdený maqsatynda jasalǵan. Onyń qaltasyndaǵy uıaly telefon men ámııany jáne ózge de zattardyń quny 100 myń teńgeni qurady.
Shúlembaevty jaldap turyp jatqan páterinen óltirgen qylmysker birden boı tasalaǵan. Alaıda arnaıy júrgizilgen tergeý, tekserý amaldarynyń nátıjesinde qaraqshylyq shabýyl jasamaq bolǵan oımen qasaqana kisi óltirgen azamattyń aty-jóni belgili boldy.
